Passage 8.45.1
Τεγεᾶται δὲ ἐπὶ μὲν Τεγεάτου τοῦ Λυκάονος τῇ χώρᾳ φασὶν ἀπʼ αὐτοῦ γενέσθαι μόνῃ τὸ ὄνομα, τοῖς δὲ ἀνθρώποις κατὰ δήμους εἶναι τὰς οἰκήσεις, Γαρεάτας καὶ Φυλακεῖς καὶ Καρυάτας τε καὶ Κορυθεῖς, ἔτι δὲ Πωταχίδας καὶ Οἰάτας Μανθυρεῖς τε καὶ Ἐχευήθεις· ἐπὶ δὲ Ἀφείδαντος βασιλεύοντος καὶ ἔνατός σφισι δῆμος προσεγένετο Ἀφείδαντες· τῆς δὲ ἐφʼ ἡμῶν πόλεως οἰκιστὴς ἐγένετο Ἄλεος.
The Tegeans say that their land took its name originally from Tegeates, the son of Lycaon; at that time the inhabitants dwelt separately in parishes, namely the Gareatae, Phylakeis, Caryatae, Corytheis, Potachidae, Oeatae, Manthyreans, and Echeuetheis. In the reign of Apheidas a ninth parish, that of the Apheidantes, was added to these. Aleus was the founder of the city as it exists in our time.